LA VERDÁ YE MENTIRA

Rexistros: llucha escontra la diglosia en tres xeneraciones familiares y lliteraries

Lulo — Fri, 20 Nov 2009 01:19:33 +0100

Pa mi qu`esti tipu de coses pasaronnos a cualquiera.
Yo alcuerdome como si fuera agora de corexir a mio pa con 11 años. Ye de vergoña, y quedome bién grabao, pero ye verdá.
Que l´asturianu salvase falando, y si se fixera asina l`estaturu, la oficialida, la dignida y tolo demas venía rodao ye una verdá como un puñu.
Pero tambien ye verdá que nun ye tan facil y que depende muncho del ambitu y de les persones con les que tes falando.
Va unos meses contabame una collacia que trabaya en Cataluña dende va poco, qque en Cataluña nun ye como equi; elli ccuanto mas "pijos" mas falen catalán.
De primeres dices; ¿que coyones me tas ccontando? ¿que tien de bueno eso?
Llueu pienseslo y daste cuenta por muncho que te h.oda que ye bien importante. Non porque lo falen los pijos. Polo que quier decir de non vergoña, d`orgullu y del emplegu del catalán en toles estayes de la vida.
Equi, tamos entamando la hestoria. La xeneración d`asturfalantes, o defensores del asturianu, o como queráis llamalo, que tienen dellos trabayos ye nueva. Cada añu mas numerosa pero nueva.
Prueba dello ye qua a la xente enta choca que dar con un medicu, un abogau, un catedraticu "asturchale" como fatamente dicen dalgunos.
Ye cuestión de tiempu, y de ver si da tiempu y si tamos a tiempu.

Rexistros: llucha escontra la diglosia en tres xeneraciones familiares y lliteraries

Pelayu — Mon, 16 Nov 2009 16:29:17 +0100

¿Vergoña? Viví de los cuatro a los ocho con eso. Pero acabóse, dende qu'entró aquella profesora en clas y dixo "lengua asturiana" esconsoné. Resuta que nun falaba mal, que la mio güela, que yera asturiana, falaba n'asturianu y qu'eso yera una LLINGUA. Resulta qu'atopé un llibrín en casa esi mesmu día que ponía "Normes Ortogáfiques" y que yera d'una tal Academia de la Llingua Asturiana.
Yá ta, aquello de lo que tuvi siempre esi arguyín sentimental que nun amosaba a naide, camudó a ser LLINGUA. A ser daqué p'amosar con tol arguyu del mundu. Dende aquella enxamás naide foi quien a volver a insulcame esa vergoña. Yá nun la teo. Emplego l'asturianu ensin querer en dellos llaos y teo la suerte d'entrar na panadería o na frutería'l mio barriu d'Uviéu, dicir daqué n'asturianu y que me respuendan na mesma llingua.

LA LLINGUA SÁLVASE FALANDO!
Un saludu!!

Rexistros: llucha escontra la diglosia en tres xeneraciones familiares y lliteraries

Repunante — Fri, 13 Nov 2009 00:48:58 +0100

Estrictamente falando, non, yo nun soi asturfalante de ñacimientu, pero tampoco soi castellanofalante. Yo nunca pronuncié una "Xe", pero tampoco salió pela mio boca un "He dicho", sinón que na mio fala, esiste la "gente". Y el "YE".

Na escuela, y n'institutu, adeprendiéronme bien qu'esto ye falar mal, y d'aquella, creílo. Naide dixo lo contrario. Yo mesmu fici risión davezu de los que falaben mal. Nun albidrará'l porqué diben menti-y a un rapacín nestos temes.

Por embargu, yá tenía dubies a la fin d'aquella dómina, porque cuando afondaba na mio familia alcontraba señes d'identidá estremaes enforma de les que decíen, nun yeren más daqué mal fecho. Costóme esbrexar con xeitu pa axuntar tolos puntos y esperiencies que dan xacíu al nome d'esti blogue, porque, dempués de too, sí pronunciaba la "Xe".

Tuvi d'adeprendelo, y sigo con ello, too otra vegada [escribir, lleer, falar...y como se diz nel testu, la conceición l'universu] al empar que desaniciaba tolo demás. Nun ye chancia.

Y entiendo'l mio papél anguaño, que ye lo más importante. Asina, nun me da vergoña falar, que me dió, pero hai facelo y puxar pola Causa como un samurai siente'l bushido

Güei, entrara nuna tienda, y falando n'ástur-llionés, cuasi ensin decatame d'ello, dizme la dependienta -"¿Hablas gallego?".- A lo que-y retruqué, bien alto, sonrisa na cara y como na escena final de Robocop "-Non, Asturianu.-"

Tentái de facelo con tola normalidá'l mundiu.

Rexistros: llucha escontra la diglosia en tres xeneraciones familiares y lliteraries

VeritasEtSeveritas — Wed, 11 Nov 2009 22:39:00 +0100

Qué razón tienes, xeriff. Depués d'un asocedíu que tengo frescu d'esta mañana -yá lu contaré per equí un día d'estos-, vengo con munches entrugues como les tuyes na tiesta y delles mancadures nel corazón. Pero de mano, téngolo claro: si pensaben qu'embaxo esti pesu y esta violencia cultural simbólica, los falantes díbemos gachar les oreyes, zincar la rodiella o colar, equivocáronse. ¿Vergoña? yá non, nunca, enxamás. Resistir, lluchar y vencer.

Rexistros: llucha escontra la diglosia en tres xeneraciones familiares y lliteraries

El xeriff de Casomera — Mon, 09 Nov 2009 15:46:07 +0100

¿De que val tener una llingua normativizada cuando los guah.inos pela cai llamen yayo al güelu y dicen ensin pensalo "he dicho"?
¿De que mos sirve falar n'asturianu dende la primera pallabra si nel mesmu intre qu'entames a clase apréndente a falar "bien" por munchu asturianu qu'haiga nel colexu?
¿Como una moza que crióse tola vida nel monte, que de puertes pa dientro fala l'asturianu mas perfeutu que pueas oyir avergóñase de esa llingua y merca'l pan en castellán?
¿Por qué cuando dices préu, nuiche, chover o pirru la xente, la mesma xente que presume d'asturiano mírate como si te pasara daqué malo na boca? ¿Por qué dame la sensación de que en Vil.lablinu fálase meyor que en Mieres y por qué falo meyor n'asturianu pero lleo meyor en castellán?
Y la entruga mas importante: ¿Por qué esta vergoña de nos mesmos? ¿Por qué en paises como Cataluña esi arguyu cola so llingua y nos esi despreciu a lo nueso?
Demasiaes entruges, meyor marcho a vivir a Miranda.

puntu tape puntu // .tape.

VeritasEtSeveritas — Sat, 07 Nov 2009 18:09:01 +0100

Non, gracies a ti pola to música ;) A siguir con ella.

Rexistros: llucha escontra la diglosia en tres xeneraciones familiares y lliteraries

VeritasEtSeveritas — Sat, 07 Nov 2009 18:07:57 +0100

Claro que nun ye lo mesmo, Xanu, pero nesti mundu que desapaez una de les coses que veo esbarrumbar ye la muria ente eses coses. Vien bien recordales.
> Pelayu: préstame muncho sentir lo que dices y enfótote nesi camín. Nun toi seguru, de toes formes, que seya la norma.
> Alex: Munches gracies poles tos pallabres. El güeyu que sólo se ve a sigo mesmu ta enfermu, pero'l güeyu que nun sabe qu'esiste, nun pue ver.
Un saludu.

puntu tape puntu // .tape.

dani — Sat, 07 Nov 2009 02:38:24 +0100

1000 gracies :O)
dani.

Rexistros: llucha escontra la diglosia en tres xeneraciones familiares y lliteraries

Alex Maladroit — Thu, 05 Nov 2009 23:27:03 +0100

Namái pueu dicite que prestome abondo'l to artículu, atopar estes coses na rede mos fai a la xente qu'atalanta del mesmu xeitu que tú, escaezer lo murnio del nuesu país, de les costumes 'anti-nós mesmos' que mos ficieren deprender dende neños, seyamos de la xeneración que seyamos.

Rexistros: llucha escontra la diglosia en tres xeneraciones familiares y lliteraries

Pelayu — Thu, 05 Nov 2009 17:47:59 +0100

Teo 17 años, soi asturfalante, y lo más probable ye que sía de la xeneración siguiente a la tuya. Nuna familia asturfalante, nun adeprendrí castellán fasta los 4 años qu'entamé a dir pa escuela. A los 12 tuvi un esconsoñar llingüísticu y con arguyu pedí a los mios pas que me dieren permisu per escrito pa dir a clases d'asturianu nel mio colexu.
Dende aquella la mio mente españó n'alcordanza. Pallabres, conceutos, espresiones, tornaren a la mio tiesta y de la mio llingua xurdieren nuevamente.
Defendo esta llingua como parte de mio mesmu, y cuidome mui muncho d'emplegar el castellán (o empréstamos d'esti) delantre de les mios güeles.
Consiguí, xunta la mio ma y dalgún tíu, que les mios güeles s'autoreconocieren; y agora, critiquen con arguyu a los "reporteros" madrilanos de la TPA que malempleguen la nuesa llingua diciendo "mucho", nun pronunciando la "elle" (o la l.l una d'elles ye de Quirós), nun pronunciando la "xe"... etc.
Inda queda muncho, pero l'esfuerciu personal de caún de nós na dignificación del idioma dientro la familia ye un pasu p'alantre. Un saludu!!

Rexistros: llucha escontra la diglosia en tres xeneraciones familiares y lliteraries

Thu, 05 Nov 2009 15:59:29 +0100

Una cosa se saber asturianu, col mundu conceptual y referencial que representa, y escribir nél, y otra saber castellanu, inglés, etc. y los mundos conceptuales y referenciales que representen, y dempués escribir n'asturianu traduciendo.
Una cosa ye falar asturianu (incluyendo los niveles d'amestáu) y escribir nesti idioma, y otra cosa ye nun falar una pallabra nesta llingua, a costa fecha, nin siquiera nos círculos más propicios, y namás qu'escribila.
Una cosa ye refugar los rexistros populares de la llingua oral asturiana, tachalos de "incultos" y crear "llingua culta basada notra llingua culta anterior nunos pocos años, y asina sucesivamente" y otra respetar, esforzase por conocer y, en definitiva, beber d'eses fontes de la llingua oral.
Una cosa ye usar l'asturianu siendo fiel a la so estructura, pallabreru, xiros, refranes, etc. y normalizala partiendo d'ehí "independientemente de que s'entienda o non dende ámbitos castellanistes", y otra adaptar la llingua asturiana pa que "seya fácil d'entender" pa les xeneraciones nueves más castellanizaes, anque los vieyos de casa nun entiendan gota nin se reconozan nella.
Una cosa...etc...etc...etc...
Un saludu.

El sustu, la güestia y los güevos pintos

VeritasEtSeveritas — Sat, 24 Oct 2009 13:27:07 +0100

Yá ho, Clara. Paezme evidente qu'uso'l términu güestia precisamente como recursu de risión pa comparar les sensaciones qu'a un asturianu-y da la visión d'aquella siniestra procesión (humorístico tamién) dende'l mitu tradicional. Un saludu.

El sustu, la güestia y los güevos pintos

Clara — Mon, 05 Oct 2009 19:29:05 +0100

Nun hai que tracamundiar la güestia (seres mitolóxicos d'Asturies)coles procesiones y los pasos de Selmana Santa. Estes últimes nun son propies d'Asturies pero la güestia comu procesión d'almes en pena sí tien tradición na nuesa rexón .Esisten lleendes y hestories recoyíes por Aurelio de Llano y otros investigadores de les nueses tradiciones orales .

Axuntábense

VeritasEtSeveritas — Wed, 16 Sep 2009 21:06:34 +0100

Munches gracies poles tos pallabres, marquinos.

Un saludu.

Axuntábense

marquinos — Wed, 16 Sep 2009 17:15:45 +0100

Felicidaes por esta entrada, prestome pola vida.
Dices de manera nidia y contundente les causes de porque tamos asina, y tamién la solución.
Esperemos que la xente despierte.
Un saludu fonderu.

puntu tape puntu // .tape.

Repunante — Fri, 11 Sep 2009 21:25:15 +0100

N'efeutu, presta enforma alcontrar coses tales, porque nun too ye lo mesmo. Nun tien porqué selo.

Tomamos nota.

¡Un saludu Repunante!

puntu tape puntu // .tape.

alloriáu — Fri, 11 Sep 2009 17:36:27 +0100

nun conocía la esistencia d'esti proyeutu,presta siguir atopando coses nueves feches equí

Axuntábense

VeritasEtSeveritas — Thu, 10 Sep 2009 09:36:11 +0100

· "Non", meyor tovía: más pensar y más trabayar. Lo que nun tien postura ye la inmovilidá nin -entá peor- l'aición acrítica.
· Ricardo: Sí, como digo nesi párrafu ("Entamando pela reunión d'Andecha Astur y Unidá Nacionalista Asturiana, la web puxa por la creación d'un espaciu curiosu que vuelva a dar valor al votu nacionaliegu d'izquierdes, qu'atrope a toles formaciones que, anguaño separtaes, nel fondu trabayen por un programa calcáu."), veo esi deséu na vuestra propuesta. Préstame lleer esi matiz qu'apurres al falar d'otres organizaciones a les clares y cuido que sería meyor si rescamplare asina de claru nes propuestes de la web. De momentu, ye oxetivo que ta perenfotada na axuntanza d'UNA/AA, que dende ella nun se pon el mesmu enfotu en pañar a la xente de les otres organizaciones pal proyeutu d'axuntanza y que les menciones que se faen a eses organizaciones -dende dalgunos artículos d'opinión espublizaos nella- nun l'afalen. Con too y con ello, Ricardo, toi d'alcuerdu: per dalgún llau ha escomenzar la xuntanza y, a la fin, siempre tien que pasar pol entendimientu d'UNA y AA. Lo que critico ye, namás, el ciertu tarrecimientu o debilidá a la hora d'enanchar la propuesta nomando al altu la lleva les otres sigles y entamando pontes con elles (más tovía coles que tan dientro un mesmu llau políticu dixibráu namás, al paecer, por esa llinia de combayamientu que llanten dellos articulistas de la web; pero tamién al coles que tán más lloñe). Sicasí, empondero la iniciativa -por sintomática del zeitgeist moral del votante nacionaliegu anguaño y porque me paez exemplu de per onde ha entamar el procesu de xuntanza-, y anímovos a enanchala y a siguir puxando con xeitu por ella.
Muches gracies polos comentarios y un saludu.

Axuntábense

Ricardo — Thu, 10 Sep 2009 08:29:32 +0100

Como diz la propia web POLA XUNTANZA DEL NACIONALISMU ASTURIANU D'IZQUIERDES, "(...)Anque ye bien cierto que nin UNA nin ANDECHA ASTUR son los únicos partíos nacionalistes d’izquierdes, camentamos que la xunidá ha de pasar pel entendimientu y xuntanza, nun primer momentu, d’estos dos partíos, másimos exponentes d’ello (...)". La web puxa pola xuntanza del nacionalismu asturianu d'izquierdes, pero nun dexa de llau a BA o IX. Pero creo acertao que'l primer pasu han dalu UNA y AA, y llueu que se sume BA y IX embaxo unos mínimos estratéxicos ya ideolóxicos. La web, VeritasEtSeveritas, nun piensa namás n'UNA nin AA, pero per dalgún llau ha d'escomenzar la xuntanza, y esa xuntura (AA y UNA) sería significativa.
Polo demás, prestosu artículu pa reflexonar.

Axuntábense

aburriu — Wed, 09 Sep 2009 18:15:37 +0100

yo creo que'l parrafín esi de 3 llinies "...Andecha Astur y Partíu Asturianista roblen un acuerdu de collaboración ..." ye lo único que tenemos EQUÍ y AGORA.

De la nuestra presencia y presión, dependen munches coses "AGORA y EQUÍ"

Axuntábense

Raposu — Wed, 09 Sep 2009 09:47:50 +0100

siendo realistes les esperances de cambeu d'estratexa son agora bien probes y el sueñu d'un nacionalismu xuntu no básico ta perlloxanu. en tou casu bona reflexon, toi mui d'acuerdu con ella. un saludu

Axuntábense

NON A LA MENTIRN — Tue, 08 Sep 2009 21:54:57 +0100

Mas trabayu por Asturies ya menos divagar.

Axuntábense

VeritasEtSeveritas — Tue, 08 Sep 2009 19:27:21 +0100

· Independent day: Llega yá un tiempu ónde nun-y lo hai qu'entrugar a naide más qu'a nós mismos. Toes estes parrafaes resúmense nuna entruga bien simple: ¿qué ye, que somos tan inútiles, tan tochos, que vamos a dexar que muerra lo que toos nós amamos, por nun ayudanos ente nós? Si la respuesta ye que sí, entós merecemos que muerra y que lo esborrien del mapa.

· Pelayu: Toi d'alcuerdu, nesti panorama d'engarradielles la de la izquierda ye la que más manca y tien tol xacíu del mundu'l pedir unidá y trabayu n'andecha polos oxetivos comunes en vez de dixebra y enfrentamientu. Sicasí, como digo, güei les mancadures son fondes y, pa munchos, tovía pue más lo personal que lo ideolóxico. La solución taría n'atopar un ámbitu de trabayu conxuntu que dexe a les estremaes organizaciones autonomía bastante como pa que nun rinchen les ferides. Esi ámbitu son puntos mui xenerales y básicos, pero esiste y, pola fondura y importancia d'esos puntos, paga la pena.

· Neville: la verdá qu'apurres, como a cuentu risa, rescampla: resultaos electorales garantizaos.

· Xanu: El gran ésitu de CB, y lo que fai aquel movimientu referente entá anguaño, ye que foi l'espollete d'un procesu tán difícil como'l de la concientización (1). Nuna dómina na que Asturies s'escaez a sigo mesma, alienada, una güeyada rápida a la riqueza que significó CB pa la cultura (llingua, filoloxía y lliteratura; historia y etnoloxía; etc.) y política (asociacionismu políticu, nacionalismu y autonomía, resistencia civil, etc.) del país, valdría de sobra pa xustificar la necesidá del so resurdimientu; pero ye la so capacidá p'amechar conciencies y proyeutos, pa ilusionar y p'axuntar de mou organizáu a los qu'amen Asturies en sestaferia pola so curia, lo que más m'abluca anguaño y lo que, cuido, más hai que recuperar.
--------
(1) Préstame usar esti términu freirianu, por básicu nesti contestu, y que nun ye la primer vez nin la última que sal nesti blogue:

"La concientización ye'l procesu al traviés del que los seres humanos, non como receutores, sinón como suxetos de conocimientu, algamen una conciencia creciente tanto de la realidá sociocultural que da forma a les sos vides, como de la so capacidá pa tresformar tala realidá" Paulo Freire
--------
Munches gracies polos comentarios y un saludu.

Axuntábense

Neville — Tue, 08 Sep 2009 18:44:05 +0100

Toy de acuerdu con muncho de lo que diz el interviniente Pelayu. Una xuntanza ye lo que fai falta y yo confio en la amplitud de mires de les diverses direcciones.
Una xuntanza de tou l'asturianismu dispersu en les diferentes sigles danos un o dos diputaos.

Axuntábense

independent day — Tue, 08 Sep 2009 15:06:58 +0100

La entruga ye cenciella y va palos "llideres" de la UNA (Zapico),seutor AA coles sigles (Arbesu),seutor AA ensin sigles (Abad), BpA (Palacios),PAS (XX Sanchez Vicente), y asturianistes d'IU (Valledor).

¿Tais preparaos pa dir nuna xuntanza, cuyo enfotu másimu seya la defensa los intereses la nación asturiana?

Si nun lo taís, colar pa casa y dexar a les nueves xeneraciones que lo fagan.

Axuntábense

Pelayu — Tue, 08 Sep 2009 13:46:54 +0100

Pesonalmente cuido que tieneb de dase DOS XUNTANCES, esin les que nun podremos aportar o algamar nada. Per un llau, facer casu (hasta ciertu puntu) al blogue esi de la POLA XUNTANZA. Face-y casu y xuntase UNA y Andecha Astur, y nun-ylu facer y dexar les puertes abiertes al Bloque por Asturies y a tolos asturianos que s'identifiquen cola esquierda y el nacionalismu asturianu. Precísase una xunción del nacionalismu asturianu d'esquierdes una mesma fuercia.

Y, pel otru llau, necesítase con abonda urxencia qu'esi futuru partíu nacionaliegu d'esquierdes roble un pautu col centru y drecha asturianos (PAS-URAS respeutívamente).

Un partíu qu'axunte a la esquierda, ún qu'axunte al centu y otru a la drecha. Y una COALICIÓN QUE MOS XUNZA A TOOS. Asina algamaremos entrar na Xunta y facer dalgo.

Dempués, caún qu'esparda la so ideoloxía y cuando tengan fuercia podremos dir per separtao, anque ensin trancar la puerta a futuros pautos por coses que mos sigan xunciendo.

Sinceramente, nun veo más solución. Güei igual nun se pue facer y mañana a lo meyor ye tarde. Pero más val sero qu'enxamás.

Un saludu y norabona pol post!

Axuntábense

Repunante — Tue, 08 Sep 2009 00:33:07 +0100

VeritasEtSeveritas güeyu avizor.

Enantes de lleer esto, entrugábame a migo mesmu delles coses alrodiu d'esta situación, darréu, yá nun son enforma eses entrugues, y albidro que les que ronden el maxín, solo'l tiempu, o dos hosties, pue responder.

La realidá nun ye como mos la pinten, déxeslo nidio ¡h.oder, tan raro ye!, y más col videu los Monti Python, "Life Of Bryan", sobren pallabres de lo faltoso los nuesos actos [yá nun saben cuantos son, allorien al falar unos d'otros, quieren lo mesmo...pa qué voi siguir...]

Toi como'l paisanu que mira a los neños engarrase por coses que yo vía como xigantes y perimportantes...de rapacín...y qu'anguaño miro con abonda condescendencia y rabia porque sé que'l pesu'l mundiu va fina-yos en cuantes crezan...si ye que lo faen, que pue dase'l casu de que non.

Equí naide quier que'l conxuntu les coses seya la forma perfeuta supina. Siempre vamos tar engarráos por cosiquines y babayáes como tán (tamos - mayestatic formule) yá bastante. Pero ¿pue ser que nun seyamos nin mediu normales?

Na ñatura, los miembros d'una familia nun s'axunten ente ellos, non, pero sí esiste esi puxu altruísta colos de sigo ¿Por qué? Eso ameyora les posibilidaes de sobrevivencia. Esi ye l'oxetivu. Equí tamién.

Esto que mos pasa tien un nome, y conózse por "Dilema'l Prisioneru"

Axuntábense

Jesusito — Mon, 07 Sep 2009 20:39:14 +0100

Que buenu.

Axuntábense

Mon, 07 Sep 2009 16:03:39 +0100

Comparto la to opinión sobre Conceyu Bable. En rocaes sigue siendo una referencia ¡trenta años dempués!. Una referencia que tienen como propia ¡xente mozo que d'aquella nun naciere!.
"Bable nes escueles", "Estatutu Autonomía". Trabayu identitariu llingüísticu (cultural) y políticu que marcó una época y dexó buelga hasta güei. Dexar el trabayu descansar en gran midida en manes de los partíos foi el gran error y les consecuencies tamos pagándoles tovía güei. Tien que falar dalguién perconocíu como Hevia pa que les risines camuden en cares series. Ye triste. Pero inda tamos a tiempu. L'absoluta mayoría sabemos que, ensin empobinar hacia procesos d'alcuerdu y xuntanza, nun hai nada que facer. O sí: esperar porque esti país conserve la estructura y la brenga bastantes pa un nuevu entamu tres producise un relevu xeneracional pal que tienen que trescurrir abondos años. Pero eso ye'l mañana. Vivimos nel güei y mañana ye'l Día de la Nación Asturiana. Diose'l movimientu previu y sorprendente de la robla d'un alcuerdu AA-PAS. Nel llinguaxe del día a día: nació nel nacionalismu asturianu, ermu cuantayá, un guañu. Pue espolletar o secar. Hai tres díes tábamos peor. Comparto dafechu les tos reflexones sobre'l nacionalismu. Les opiniones que siento na cai d'asturianos esmolecíos pola so tierra enfilen hacia lo que tu espones. Basta con poner la oreya y sentir ensin prexuicios previos. No cenciello añera davezu l'arte. Nos planteamients cenciellos afáyase bien de vegaes esa ayalga que nos esguedayamos por buscar. Volviendo al principiu del mio comentariu, ye lo qu'alcontró nel so día Conceyu Bable. Nun tenemos qu'alcontrar más nada. Sólo rescatar, llimpiar y asoleyar.
Gran trabayu (como siempre) Véritas. Na antoxana del dia d'esta vieya nación, gracies.

Apuntes pa un vocabulariu dialeutal diastráticu de fala moza: "Slang" astur - 1

VeritasEtSeveritas — Sat, 15 Aug 2009 13:04:23 +0100

Gracies poles tos pallabres, Neville. Aprovecho pa felicitate pola to prestosa bitácora tamién.

Apuntes pa un vocabulariu dialeutal diastráticu de fala moza: "Slang" astur - 1

Neville — Thu, 13 Aug 2009 20:36:47 +0100

Nun cayera na cuenta de esta xiriga, quizá porque ya soy viellu y toy n,otra onda.
Un saludu y felicitate pol tu BLOG perbuenu.

Apuntes pa un vocabulariu dialeutal diastráticu de fala moza: "Slang" astur - 1

VeritasEtSeveritas — Thu, 13 Aug 2009 11:51:55 +0100

Gracies poles collaboraciones :)

Ye verdá, Pelayu, hai delles pallabres que son inmunes dafechu a la diglosia porque describen cachos de la realidá pa los que nun hai pallabra en castellanu. Esi ye'l casu de prestar y mancar, pero tamién hai otres pallabres y espresiones cola mesma resistencia en tola población que nun tien más esplicación que lo vivo de la propia llingua, como picar, cuellu, empapizar, orbayu...

"Furrucha" sintiéralo y pensara que yera un americanismu, per aciu del castellanu latinoamericanu (ellos dicen carrucha), pero hai poco sentí-yos a unos mozos dicir "furruchar" por "furrular" (nunca lo sintiera así enantes) y yá nun lo tengo tan claro. Y, á Diestru, a ver si vuelves a esi prestosu blogue anque seya dalguna vez, que quedó la rede güérfana cuasi ensin blogues n'asturianu occidental ;)

Un saludu.

Apuntes pa un vocabulariu dialeutal diastráticu de fala moza: "Slang" astur - 1

Diestru — Wed, 12 Aug 2009 16:25:11 +0100

Furrucha => Furgoneta (Ou Furgona)
Matracas (-es) => Matemáticas (-es)

Apuntes pa un vocabulariu dialeutal diastráticu de fala moza: "Slang" astur - 1

Pelayu — Wed, 12 Aug 2009 12:18:30 +0100

Bon artículu, con estes coses sí podemos facer por caltener la llingua ente la xente mozo. Yo amestaría pallabres, que nun siendo del too llinguax de mocedá caltienense dientro la fala la xente mozo como "mancar, presta (en cuenta de "molar"), tocar los pies (en cast. "tocar las narices"), enguedeyu (en cuenta de "lío") ex. "Entró corriendo, tropezó y mancóse"; "Salir perhí presta"; "Anduvo tocándo-y los pies un ratu llargu"; "Vaya enguedeyu d'apuntes, ¡nun m'entero!".

Yo tamién oyí "montar" en vez de pirar, nun sé si ye n'asturianu o ye tamién castellán, pero hai xente que lo diz, ex.: "Montemos la clas de llatín"; Dar la vara" como cafiar, molestar. "Dar la vida" ex. "Si m'ayudes con esto dasme la vida".

Un saludu!

La Piesca'l Gochu en Sevilla: "Fiesta Nacional", imperialismu etnocultural y tortura animal

GalizacapitalBraga — Fri, 07 Aug 2009 22:40:28 +0100

Bom, consta o Concellu de Xixón.

La Piesca'l Gochu en Sevilla: "Fiesta Nacional", imperialismu etnocultural y tortura animal

GalizacapitalBraga — Fri, 07 Aug 2009 22:34:08 +0100

Muito bom o cartaz, mas a cousa vem de Madrí, nom de Sevilha.
Por estes lares também sofremos a praga, mas com apoio mediático e institucional (subvençons, declaraçons, "actos d presença"). No cartaz de Gijón nom percebo esse apoio.
Un saludu.

La Piesca'l Gochu en Sevilla: "Fiesta Nacional", imperialismu etnocultural y tortura animal

Fueya en blanco — Fri, 07 Aug 2009 14:25:25 +0100

Perbien por facer un artículu antitaurín dende un puntu de vista dafechu asturianu... esto merez una esbilla.

Vémonos el 15 en Xixón.

Un saludu!

La Piesca'l Gochu en Sevilla: "Fiesta Nacional", imperialismu etnocultural y tortura animal

VeritasEtSeveritas — Wed, 05 Aug 2009 19:56:47 +0100

Gracies polos comentaros :)
Y ye verdá, los glayíos y los espatuxos nun han ser la fin, sinón l'entamu.

La Piesca'l Gochu en Sevilla: "Fiesta Nacional", imperialismu etnocultural y tortura animal

venerableperru — Wed, 05 Aug 2009 00:19:35 +0100

Asina ye!
Que dalgo seya tradición nun xustica un res. Anque tenga 100.000 años si ye una brutalidá hai de tarazar con ella.
Si nós finemos cola piesca'l gochu, tamién tenemos de facelo con esta "fiesta" foriata y inxusta.
Suerte na manifestación.

La Piesca'l Gochu en Sevilla: "Fiesta Nacional", imperialismu etnocultural y tortura animal

Tue, 04 Aug 2009 21:25:01 +0100

Si amás de pa espatuxar y glayar, valiéremos pa construir d'una puñeflera vegada un proyectu de reconstrucción nacional, esta salvaxada tendría los díes contaos. Pero tolo que seya salir de los glayíos y espatuxos paez que nos queda grande, enormemente grande.