De cómo un perru nomáu MacGyver y un Pegollu derrotaron a Fernando Lastra
Nun quiero dexar que marche'l solsticiu d'iviernu ensin dar dalgunes gracies.
Camín de Cantares
Capítulu 12, 4ª Temporada: Canzana, Llaviana
Ricardo de Canzana ye meyor que tu y que yo. Polo menos por cuatro razones:
1 - Fexo un zurrón de diseñu con un tubu per onde beber el sidre ensin perder tiempu pa segar la pación.
2 - Tien un perru llamáu MacGyver.
3 - Medró, dende guah.e, con respetu a los fugaos.
4 - Fala un asturianu tan gloriosamente vivu y perfeutu na mesma selmana que Fernando Lastra -nun discursu enllenu de pallabres de muerte- dixo lo de "Non. Xurídicamente non", que nun queda namás que da-y les gracies por esistir a Ricardo y a tolos ricardos del mundu. Él ye'l símbolu arguyosu de la xusticia que-y debemos.
Gracies a Xosé Antón Ambás y a tol so equipu por esti programa que ye como lluz na escuridá, un actu de dignidá y de respetu p'Asturies y la so cultura tradicional na metada d'unos medios de comunicación ermos.
Gracies a Softastur pol vuestru trabayu valiente p'asegurar qu'estes pallabres de nueso tengan futuru modernu, teunolóxicu y llibre. Merecéislo.
Tags: camín de cantares macgyver fernando lastra softastur
Esbilla | 
del.icio.us
Entá queden paisanos n'Asturies, nel videu salen dos, pero de xuru hai abondos más. Lo malo ye que hailos tamien qu'intenten selo y nun faen otra cosa que faltar davezu a los primeros.
Un llamentu polos que yá nun tán
http://es.youtube.com/watch?v=8hYH1Qmdeh4
Con cada muyer como Sabel de La Pola que mos dexa -tolos díes- desapaez tamién dalgo de nós...
¡Ḥoder manin! ¡Que perbon blogue!
Gracies pola mención a Softastur :) Remembra que cualquiera puede echar un gabitu :)
Descubrite güei, y vas direutu pa los Marcadores :D
Gracies, ho :) Afáyate bien per equí y a siguir alantre colos vuestros prestosos proyeutos, ayudarémosvos como podamos :)